દાધોળીયા ગામનું તળાવ તૂટતાં સંકટ, ગ્રામજનોની સમયસૂચકતાથી પ્રાથમિક શાળા અને રહેણાંક વિસ્તાર બચ્યા

0 0

અહેમદાબાદ મિત્ર ન્યુઝ રિપોર્ટ એશા પારેખ મૂળી:મૂળી તાલુકા
ના દાધોળીયા ગામે ઉપરવાસમાં પડેલા ભારે વરસાદના કારણે ગામનું તળાવ ઓવરફ્લો થતાં તેની પાળમાં ગાબડું પડ્યું હતું. ગાબડું પડતા જ તળાવનું પાણી જોરદાર પ્રવાહ સાથે બહાર નીકળવા લાગ્યું, જેના કારણે તળાવની સામે આવેલી પ્રાથમિક શાળા તેમજ આસપાસના નીચાણવાળા રહેણાંક વિસ્તારોમાં પાણી ઘૂસી જવાની ગંભીર સ્થિતિ સર્જાઈ હતી.ઘટનાની જાણ થતાં જ ગામના જાગૃત નાગરિકો તાત્કાલિક સ્થળ પર દોડી આવ્યા હતા. પૂર્વ સરપંચ ગીધાભાઈની આગેવાની હેઠળ નવઘણભાઈ, વિજયભાઈ, નાનજીભાઈ, મેઘાભાઈ, શૈલેષભાઈ, સુરેશભાઈ તથા અમૃતભાઈ પ્રજાપતિ સહિતના ગ્રામજનોએ જોખમ વચ્ચે ભારે જહેમત ઉઠાવી તાત્કાલિક રક્ષણાત્મક કામગીરી હાથ ધરી હતી. ગ્રામજનોએ પાણીનો પ્રવાહ શાળા અને રહેણાંક વિસ્તાર તરફ જતો અટકાવવા માટે જરૂરી વ્યવસ્થા ઊભી કરી હતી.

ગ્રામજનોની સમયસૂચકતા, એકતા અને ઝડપી નિર્ણયક્ષમતાના કારણે પ્રાથમિક શાળા તથા આસપાસના ઘરોમાં પાણી ઘૂસતું અટકી ગયું હતું અને મોટી જાનહાનિ તથા મિલકતના નુકસાનની શક્યતા ટળી હતી. સંકટની ઘડીએ સમગ્ર ગામ એકજૂટ બન્યું હોવાનું દૃશ્ય જોવા મળ્યું હતું.આ ઘટના દર્શાવે છે કે ચોમાસા દરમિયાન તળાવો, બંધ અને પાણીના સંગ્રહસ્થળોની નિયમિત દેખરેખ અને સમયસર જાળવણી અત્યંત જરૂરી છે. ભારે વરસાદ દરમિયાન પાળ નબળી પડતાં આવી સ્થિતિ સર્જાઈ શકે છે. જો ગ્રામજનોએ સમયસર હસ્તક્ષેપ ન કર્યો હોત તો પ્રાથમિક શાળા, રહેણાંક વિસ્તાર અને જાહેર મિલકતોને ભારે નુકસાન પહોંચવાની સંભાવના હતી.આ બનાવ સ્થાનિક તંત્ર માટે પણ ચેતવણીરૂપ છે કે વરસાદી મોસમ પહેલાં તળાવોની પાળની તકનિકી તપાસ, જરૂરી મરામત અને જોખમી સ્થળોની સતત મોનિટરિંગ કરવામાં આવે. સાથે જ આપત્તિના સમયે સ્થાનિક લોકોની સતર્કતા અને સામૂહિક સહયોગ કેટલો અસરકારક સાબિત થઈ શકે છે તેનું દાધોળીયા ગામે ઉત્તમ ઉદાહરણ પૂરું પાડ્યું છે.

ગામના લોકોએ સંકટ સમયે નિઃસ્વાર્થ ભાવથી સેવા આપનાર તમામ યુવાનો, આગેવાનો અને ગ્રામજનોની કામગીરીને બિરદાવી હતી

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %