વાંકાનેર કોંગ્રેસનો કાફલો અમદાવાદ પહોંચ્યો, અમિત ચાવડા સાથે શુભેચ્છા મુલાકાત

1 0

વાંકાનેરથી કોંગ્રેસના આગેવાનો, સંગઠનના હોદ્દેદારો, ચૂંટાયેલા પ્રતિનિધિઓ અને સહકારી ક્ષેત્રના આગેવાનોનો વિશાળ કાફલો 13 ઓગસ્ટે અમદાવાદના રાજીવ ગાંધી ભવન ખાતે પહોંચ્યો હતો ગુજરાત પ્રદેશ કોંગ્રેસ પ્રમુખ અમિત ચાવડા સાથે વાંકાનેર કોંગ્રેસના પ્રતિનિધિમંડળે શુભેચ્છા મુલાકાત કરી હતી.

આ મુલાકાત માત્ર ઔપચારિક શુભેચ્છા પૂરતી મર્યાદિત ન રહેતાં વાંકાનેર વિધાનસભા વિસ્તારના સંગઠનને વધુ મજબૂત બનાવવા તથા પ્રજાના પ્રશ્નોને અસરકારક રીતે ઉઠાવવા અંગે માર્ગદર્શન મેળવવાની દિશામાં મહત્વપૂર્ણ બની હોવાનું કોંગ્રેસના આગેવાનો દ્વારા જણાવાયું હતું. મુલાકાત દરમિયાન વાંકાનેર તાલુકા અને શહેર કોંગ્રેસના સંગઠનને વધુ સક્રિય બનાવવા, સ્થાનિક સ્તરે લોકો સાથે સતત સંપર્ક જાળવવા તથા જનપ્રશ્નોને સંગઠિત રીતે રજૂ કરવા પર ભાર મૂકાયો હતો. વિશાળ સંખ્યામાં તાલુકા પંચાયત, જિલ્લા પંચાયત, માર્કેટિંગ યાર્ડ, સહકારી સંઘો તેમજ કોંગ્રેસ સંગઠન સાથે સંકળાયેલા આગેવાનોની હાજરીને કારણે આ મુલાકાતે વાંકાનેરના રાજકીય સંગઠનમાં પણ ચર્ચા જગાવી છે.વાંકાનેરના પૂર્વ ધારાસભ્ય મહંમદ જાવિદ પીરજાદા, ખરીદ-વેચાણ સંઘ પ્રમુખ હરદેવસિંહ જાડેજા, વાંકાનેર વિધાનસભા કોંગ્રેસ પ્રમુખ આબીદભાઈ શેરસીયા, યાર્ડ ચેરમેન ગુલામભાઈ પરાસરા, યાર્ડ વાઇસ ચેરમેન નાથાભાઈ ગોરીયા, પ્રોસેસિંગ સંઘ પ્રમુખ ઈબ્રાહીમ વકાલીયા અને દૂધ સંઘ પ્રમુખ અબ્દુલભાઈ બાદી સહિતના

આગેવાનો ઉપસ્થિત રહ્યા હતા. જિલ્લા પંચાયતના સદસ્યો મહેબુબભાઈ કડીવાર, અકબરભાઈ બાદી, ઈસ્માઈલ ગોલ્ડન, કિર્તિભાઈ વાળા અને પાચાભાઈ ધરજયા પણ પ્રતિનિધિમંડળમાં જોડાયા હતા.
તાલુકા પંચાયત પ્રમુખ પ્રતિનિધિ ગોરધનભાઈ સરવૈયા, ઉપપ્રમુખ ઈરફાનભાઈ ચૌધરી, કારોબારી ચેરમેન ઘનુભા ઝાલા, પૂર્વ પ્રમુખ યુનુસભાઈ શેરસીયા, શાસક પક્ષના નેતા ફારૂકભાઈ કડીવાર અને દંડક ગીરીરાજસિંહ ઝાલા સહિત તાલુકા પંચાયતના આગેવાનોની હાજરી નોંધપાત્ર રહી હતી. તાલુકા પંચાયતના સદસ્યો અકબરભાઈ વડાવિયા, હુસેન શેરસીયા, સોયબભાઈ બાદી, પ્રવિણભાઈ દાનાભાઈ જરવરીયા, વકીલ નિલેશભાઈ દેકાવાડીયા, વકીલ ઈદિસભાઈ કડીવાર, જગદીશભાઈ મહારેલી, રૂપસિંગભાઈ અને મનસુખભાઈ થુલેટીયા પણ ઉપસ્થિત રહ્યા હતા. આ ઉપરાંત તાલુકા કોંગ્રેસ પ્રમુખ વનરાજ રાઠોડ, શહેર કોંગ્રેસ પ્રમુખ અરવિંદ અંબાલીયા સહિત વાંકાનેર તાલુકા અને શહેર કોંગ્રેસના અન્ય હોદ્દેદારો તથા કાર્યકરો પણ અમદાવાદ પહોંચ્યા હતા. સંગઠન મજબૂત કરવાની દિશામાં સંકેત વાંકાનેરમાંથી એકસાથે કોંગ્રેસના સંગઠન, ચૂંટાયેલા પ્રતિનિધિઓ અને સહકારી ક્ષેત્ર સાથે સંકળાયેલા આગેવાનોની હાજરીને રાજકીય રીતે જોવામાં આવે તો સ્થાનિક સ્તરે કોંગ્રેસ પોતાના સંગઠનને ફરીથી વધુ સક્રિય અને એકજૂટ બનાવવાની દિશામાં આગળ વધી રહી હોવાનો સંકેત મળે છે. ખાસ કરીને તાલુકા-જિલ્લા સ્તરના ચૂંટાયેલા પ્રતિનિધિઓથી માંડી સહકારી સંસ્થાઓના આગેવાનો સુધીની હાજરી સંગઠનના વ્યાપને દર્શાવે છે.અમિત ચાવડા દ્વારા વાંકાનેર વિસ્તારના લોકોના પ્રશ્નોને મજબૂતીથી ઉઠાવવા તેમજ કોંગ્રેસ સંગઠનને વધુ મજબૂત બનાવવા અંગે માર્ગદર્શન આપવામાં આવ્યું હોવાનું જણાવાયું હતું. આગામી સમયમાં સ્થાનિક પ્રશ્નો, પ્રજાની સમસ્યા ઓ અને સંગઠનાત્મક કામગીરીને કેન્દ્રમાં રાખીને કોંગ્રેસ વધુ સક્રિય ભૂમિકા ભજવે તેવી દિશામાં આ મુલાકાતને મહત્વપૂર્ણ માનવામાં આવી રહી છે. 13 ઓગસ્ટની આ મુલાકાતે વાંકાનેર કોંગ્રેસના વિવિધ સંગઠનાત્મક સ્તરોને એક મંચ પર લાવી પ્રદેશ નેતૃત્વ સાથે સીધો સંપર્ક સ્થાપિત કર્યો છે. હવે આ મુલાકાતનું વાસ્તવિક રાજકીય પરિણામ સ્થાનિક પ્રશ્નો ઉઠાવવામાં, સંગઠનને મેદાનમાં સક્રિય કરવામાં અને આવનારા રાજકીય પડકારો સામે કોંગ્રેસ કેટલી એકજૂટ રીતે કામગીરી કરે છે તેના પર નિર્ભર રહેશે.

About Post Author

Aarif B Diwan Phone: 9723563374

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %